Maliyyə

Ana səhifə

Maliyyə

«Turanbank» islam bankçılığı sahəsində fəailiyyətini genişləndirir

09 mart 2010 11:46 (UTC +04:00)

Bakı. Vahab Rzayev – APA-Economics. Azərbaycanın «Turanbank» ASC ölkədə islam bankçılığı prinsiplərində əsaslanan fəailiyyətini genişləndirmək niyyətindədir. Bankdan «APA-Economics»ə verilən məlumata əsasən, bu, hazırda öz maliyyə vəsaitlərini islam bankçılığı prinsipləri əsasında investisiya etmək istəyən böyük bir müsəlman təbəqəsinin mövcudluğu ilə bağlıdır.

Bunu nəzərə alaraq, «Turanbank» İslam İnkişaf Bankı qrupuna daxil olan müxtəlif maliyyə qurumları ilə əməkdaşlığı genişləndirir. Qeyd edək ki, hazırda İslam İnkişaf Bankı qrupuna daxil olan İslam İnkişaf Korporasiyası tərəfindən təqdim olunmuş maliyyə xətti çərçivəsində «Turanbank» fəal əməkdaşlıq edir.

Xatırladaq ki, təsisçisi 5 hüquqi (21,8%) və 20 fiziki şəxs olan (78,2%) «Turanbank» ASC 1992-ci ildən fəaliyyət göstərir. Cari ilin fevral ayının 1-nə bankın aktivlərinin həcmi 112,8 mln. manat, kredit portfeli 79,8 mln. manat, depozit portfeli 39,9 mln. manat, məcmu kapitalı 20,8 mln. manat, o cümlədən nizamnamə kapitalı 17 mln. manat təşkil edib. Bankın ölkə üzrə 11 filialı, 9 banklımatı və 73 POS-terminalı fəaliyyət göstərir.