Maliyyə

Ana səhifə

Maliyyə

Zaur Fərzəliyev: «Royal Bank»ın göstəriciləri çox yaxşıdır və heç bir konsolidasiyadan söhbət gedə bilməz»

11 mart 2010 11:45 (UTC +04:00)

Bakı. Elnur Hüseynquluyev – APA-Economics. «Royal Bank» ASC-nin hər hansı bir bank təşkilatı ilə konsolidasiyası planlışdırılmır. Bunu «APA-Economics»ə açıqlamsında bankın Müşadə Şurasının üzvü Zaur Fərzəliyev bəzi KİV-də maliyyə çətinlikləri ilə üzləşən «Royal Bank»ın konsolidasiya zərurəti İə üxləşməsi barədə yayılan məlumatları şərh edərkən bildirib.

«Bəzi KİV-də «Royal Bank»ın əmanətçilərinə bankın gözlənilən konsolidasiyası ilə bağlı xəbərdarlıq edilib. Həmçinin, bank tərəfindən kreditləşmənin dayandırıldığı bildirilir. Lakin bunlar həqiqətə uyğun deyil. Bunu bankın son illərin müsbət maliyyə göstəriciləri də təkzib edir», - deyə Z.Fərzəliyev vurğulayıb.

Bank rəsmisinin sözlərinə görə, hazırda «Royal Bank» əvvəlki kimi fəaliyyətini davam etdirir: «Bankda müxtəlif istiqamətlər üzrə, o cümlədən təyinatlı, biznes və istehlak kreditlərinin verilməsi davam etdirilir. Bununla yanaşı, müştərilərdən əmanətlərin qəbulu aparılır».

Z.Fərzəliyev qeyd edib ki, 2010-cu ilin yanvar ayının 1-nə bankın aktivlərinin həcmi 144,606 mln. manat, depozit portfeli 63,746 mln. manat, kredit portfeli 103,598 mln. manat, məcmu kapitalı 21,215 mln. manat, o cümlədən nizamnamə kapitalı 20,622 mln. manat təşkil edib. Nəticədə, son bir il ərzində bankın aktivləri 42%, depozit portfeli 77%, kredit portfeli 32%, o cümlədən istehlak kreditləri 30%, məcmu kapitalı 19%, nizamnamə kapitalı 22%, gəlirləri 46% artıb.

Xatırladaq ki, əsas təsisçisi ABŞ vətəndaşı olan «RoyalBank» ASC 1993-cü ildə Azərbaycanda «OZ Bank» kimi yaradılıb. Hazırda bankın ölkə üzrə 31 filialı, 8 mübadilə məntəqəsi, 31 bankomatı və 104 POS-terminalı fəaliyyət göstərir.

Qeyd edək ki, «APA-Economics»in tərtib etdiyi illik renkinqlərində «Royal Bank» aktivlərin artım tempinə görə Azərbaycandakı banklar arasında 9-cu, kredit portfelinin artım tempinə görə 13-cü, depozit portfelinin artım tempinə görə 5-ci, məcmu kapitalın artım tempinə görə 17-ci, nizamnamə kapitalının artım tempinə görə 12-ci, gəlirlərin artım tempinə görə 7-ci, əmək haqlarının artım tempinə görə isə 1-ci yeri tutub.