Maliyyə

Ana səhifə

Maliyyə

«Royal Bank» Bakıda yeni filial açıb

11 mart 2010 14:46 (UTC +04:00)

Bakı. Elnur Hüseynquluyev - APA-Economics. Bakıda «Royal Bank» ASC-nin daha bir filialı fəaliyyətə başlayıb. Bunu «APA-Economics»ə açıqlamasında bankın Müşahidə Şurasının üzvü Zaur Fərzəliyev bildirib.

Z.Fərzəliyevin sözlərinə görə, paytaxtın Yusif Səfərov,10 ünvanında yerləşən filial bankın sayca 32-ci filialıdır: «Bu filial vasitəsi ilə müştərilər bütün bank xidmətləri, o cümlədən hesablaşma-kassa hesabı, sürətli pul köçürmələri, kreditlərin verilməsi, əmanətlərin qəbulu, həmçinin valyuta mübadiləsi kimi əməliyyatlar həyata keçirə bilərlər».

Z.Fərzəliyev qeyd edib ki, bank filial şəbəkəsini genişləndirmək siyasətini davam etdirərək yaxın gələcəkdə yeni filiallar açmağı planlaşdırır. Ölkənin bütün rayonlarında filialların açılması yolu ilə şəbəkənin genişləndirilməsi məsələsi bankın strateji inkişaf planında əksini tapıb.

Xatırladaq ki, əsas təsisçisi ABŞ vətəndaşı və İtaliyanın «The Sturgeon Fund Ltd.» investisiya fondu olan «Royal Bank» ASC 1993-cü ildə Azərbaycanda «OZ Bank» kimi yaradılıb. Cari ilin yanvar ayının 1-nə bankın aktivlərinin həcmi 144,606 mln. manat, depozit portfeli 63,746 mln. manat, kredit portfeli 103,598 mln. manat, məcmu kapitalı 21,215 mln. manat, o cümlədən nizamnamə kapitalı 20,622 mln. manat təşkil edib.