Maliyyə

Ana səhifə

Maliyyə

Apreldə «Amrahbank»ın Müşahidə Şurasının toplantısı keçiriləcək

12 mart 2010 06:36 (UTC +04:00)

Bakı. Elnur Hüseynquluyev – APA-Economics. Bu ilin aprel ayının 17-də «Amrahbank» ASC-nin Müşahidə Şurasının növbəti iclası keçiriləcək. Bunu «APA-Economics»ə açıqlamasında bankın Biznesin inkişafı Departamentinin direktoru Xaliq İldırımzadə bildirib.

X.İldırımzadənin sözlərinə görə, iclasda Müşahidə Şurasının sədri Yunis İldırımzadə, Müşahidə Şurasının üzvləri Kamal Məmmədzadə («Salans» şirkəti), Elnur Əmikişiyev (BP şirkəti), Abid əl-Zira və Mühəmməd Hadi Mejai (hər ikisi - Bəhreyn Beynəlxalq İnvestisiya Bankı) iştirak edəcəklər.

İclasda bankın 2010-cu ilin birinci rübünün nəticələri və bankın gələcək inkişaf strategiyası müüzakirə olunacaq.

Xatırladaq ki, təsisçisi 4 yerli fiziki şəxs (51%) və Bəhreyn Beynəlxalq İnvestisiya Bankı (49%) olan «Amrahbank» ASC 1993-cü ildən fəaliyyət göstərir. Cari ilin ynavar ayının 1-nə bankın aktivlərinin həcmi 101,811 mln. manat, depozit portfeli 41,176 mln. manat, kredit portfeli 39,898 mln. manat, o cümlədən istehlak kreditlərinin həcmi 25,223 mln. manat, məcmu kapitalı 20,653 mln. manat, o cümlədən nizamnamə kapitalı 12,821 mln. manat olub.

Hazırda bankın ölkə üzrə 24 filialı, 18 bankomatı və 50 POS-terminalı mövcuddur.