Maliyyə

Ana səhifə

Maliyyə

Dünyanın aparıcı ölkələrinin iqtisadi inkişaf üzrə renkinqi hazırlanıb

30 mart 2010 07:31 (UTC +04:00)

Bakı. Nicat Mustafayev – APA-Economics. Dünyanın 11 aparıcı ölkədə (Braziliya, Rusiya, Hindistan, Çin və G7 ölkələri) ümumi daxili məhsulun (ÜDM) 2009-cu ildəki dinamikası üzrə renkinq hazırlanıb.

«APA-Economics»in RBK agentliyinə istinadən verdiyi məlumata görə, siyahıya Rusiya başçılıq edir. Belə ki, 2009-cu ildə Rusiyada iqtisadi geriləmə 7,9% təşkil edib.

Bundan başqa, Almaniya və Yaponiyada ötən il ÜDM-in azalma tempi 5% səviyyəsində olub və bu ölkələr renkinqdə 2-ci və 3-cü yerləri bölüşür. Daha sonra siyahıda Böyük Britaniya (-4,8%), İtaliya (-4,7%), ABŞ (-2,4%) və Fransa (2,2%) qərarlaşıb. Çində hesabat ilində ÜDM 8,7% artıb, Braziliya, Hindistan və Kanada üzrə isə göstəricilər hələ dəqiqləşdirilməyib.

Bununla yanaşı, 2009-cu ildə ən yüksək inflyasiya Hindistanda qeydə alınıb. Belə ki, hesabat ilində Hindistanda bu göstərici 15% səviyyəsində olub. Rusiyada inflyasiya 8,8%, Braziliyada – 4,3%, Böyük Britaniyada – 2,8%, ABŞ-da – 2,7%, Çində – 1,9%, Kanadada – 1,3%, İtaliyada – 1%, Almaniya və Fransada – 0,9% təşkil edib, Yaponiyada isə 2009-cu ildə 1,7%-lik deflyasiya qeydə alınıb.

Bundan başqa, 2009-cu ildə sənaye istehsalında ən yüksək azalma Yaponiyada (-21,6%) olub. İtaliyada isə bu göstərici 17,6%, Almaniyada 16,1%, Fransada 11,9%, Rusiyada 10,8%, Böyük Britaniyada 10,2%, ABŞ-da 9,7%, Braziliyada isə 7,2% azalıb (Hindistan, Kanada və Çin üzrə məlumat yoxdur).

İşsizlik səviyyəsinə gəldikdə isə, 2009-cu ildə Fransada bu göstərici 9,4%, ABŞ-da – 9,3%, Rusiyada 8,4%, Kanadada – 8,3%, İtaliyada – 7,8%, Almaniyada – 7,5%, Yaponiyada – 5,1% səviyyəsində olub (Böyük Britaniya üzrə göstərici məlum deyil).

	Ölkə	ÜDM-nin azalması (%)	İnflyasiya (%)	Sənaye istehsalının azalması (%)	İşsizlik (%)
1	Rusiya	7,9	8,8	10,8	8,4
2-3	Almaniya	5,0	0,9	16,1	7,5
2-3	Yaponiya	5,0	1,7 (deflyasiya)	21,6	5,1
4	Böyük Britaniya	4,8	2,8	10,2	m.y.
5	İtaliya	4,7	1,0	17,6	7,8
6	ABŞ	2,4	2,7	9,7	9,3
7	Fransa	2,2	0,9	11,9	9,4
8	Çin	8,7 (artım)	1,9	m.y.	m.y.
-	Braziliya	m.y.	4,3	7,2	m.y.
-	Hindistan	m.y.	15,0	m.y.	m.y.
-	Kanada	m.y.	1,3	m.y.	8,3