Maliyyə

Ana səhifə

Maliyyə

«Royal Bank» plastik kartlar üzrə bonus kampaniyasına başlayıb

29 iyun 2010 12:24 (UTC +04:00)

Bakı. Elnur Hüseynquluyev – APA-Economics. «Royal Bank» ASC «Loyalty Discount Program» adlı yeni layihənin icrasına başlayıb. Bunu «APA-Economics»ə açıqlamasında bankın Plastik kartlar Derartamentinin direktoru Gülşən Mustafayeva bildirib.

G.Mustafayevanın sözlərinə görə, proqramda «Visa Electron» plastik kart sahibləri olan müştərlər bonus qazanır. «Ümumiyyətlə, bu proqramın ərsəyə gəlməsində Türkiyənin «Qarant Bankı»nın təcrübəsindən istifadə olunub. Müştəri plaskit kart üzrə («Visa Electron») apardığı hər əməliyyata görə bonus qazanır. Aparılan əməliiyatın həcmi 10 manatdan yuxarı olduğu halda, bonuslar aktiv olur və müştəri həmin bonusu nağd pul şəklində ala bilər. Həmçinin, müştəri aktiv bonusu ticarət obyektlərində istənilən xidmətlə də əvəzləyə bilər», - deyə departament başçısı vurğulayıb.

G.Mustafayeva bildirib ki, artıq bu proqrama Azərbaycanda 600-dən çox müştəri qoşulub: «Həmin müştərilər «Visa Electron» plastik kartlarını istifadə edirlər, daha sonra müştərilərə «Visa Classic» kartları təqdim olunacaq. Bu kartlar təhlükəsizlik baxımından daha etibalı sayılır. Bundan başqa, plastik kart üzrə ən çox əməliiyat aparmış müştəriyə kredit xəttinin açılması da nəzərdə tutulur».

G.Mustafayeva həmçinin qeyd edib ki, proqramın əsas məqsədi ölkədə nağdsız ödənişlərin həcminin, həmçinin aparılan əməliyyatların sayının artırılmasıdır.

Xatırladaq ki, əsas təsisçisi ABŞ vətəndaşı olan «Royal Bank» ASC 1993-cü ildə Azərbaycanda «OZ Bank» kimi yaradılıb. Bankın ölkə üzrə 31 filialı, 8 mübadilə məntəqəsi, 31 bankomatı və 104 POS-terminalı fəaliyyət göstərir.