Maliyyə

Ana səhifə

Maliyyə

Bakıda Azərbaycan-BƏƏ hökumətlərarası komissiyasının iclası keçirilir

03 may 2011 08:50 (UTC +04:00)

«APA-Economics»in məlumatına görə, Azərbaycan tərəfindən komissiyaya iqtisadi inkişaf naziri Şahin Mustafayev, BƏƏ tərəfindən isə iqtisadiyyat naziri Sultan bin Səid əl Mənsuri həmsədrlk edir.

İclasda çıxış edən Ş.Mustafayev Azərbaycan iqtisadiyyatının inkişafı barədə danışaraq bildirib ki, 2004-2010 illərdə ÜDM 3 dəfə, qeyri-neft sektoru 2 dəfə, əsas kapitala yönəldilən investisiyalar 2,9 dəfə, dövlət büdcəsinin gəlirləri 9,3 dəfə, xarici ticarət dövriyyəsi 5,4 dəfə, strateji valyuta ehtiyatları 18,2 dəfə artıb, yoxsulluq səviyyəsi 4,9 dəfə azalıb. Ş.Mustafayev qeyd edib ki, hazırda ölkənin strateji valyuta ehtiyatları 34 mlrd. dolları ötüb.

Nazirin sözlərinə görə, Azərbaycanda xarici ölkələrlə, o cümlədən Birləşmiş Ərəb Əmirlikləri ilə əlaqələrin genişlənməsinə xüsusi önəm verilir.

S.Mənsuri BƏƏ-nin Azərbaycanla əməkdaşlığın genişləndirilməsində maraqlı olduğunu və bunun üçün hər iki ölkənin boyük potensiala malik olduğunu qeyd edib.

İclas zamanı iki ölkə arasında ticarət, investisiya, sənaye və energetika, gömrük, nəqliyyat, rabitə, kənd təsərrüfatı və digər sahələrdə əməkdaşlığın mövcud vəziyyəti və perspektivləri müzakirə olunur.

Toplantının sonunda iki ölkənin hökumətləri arasında gömrük işi sahəsində əməkdaşlıq və qarşılıqlı yardım haqqında saziş və iclasın yekunlarına dair protokolun imzalanması nəzərdə tutulur.