Maliyyə

Ana səhifə

Maliyyə

«Parabank» «Western Union» sistemi ilə birgə yeni kampaniyaya başlayıb

05 may 2011 09:22 (UTC +04:00)

Bakı. Elnur Hüseynquluyev – APA-Economics. Azərbaycanda «Western Union» beynəlxalq pulköçürmə sisteminin rəsmi nümayəndəsi olan «Parabank» ASC 18 sub-agentinin maraqlarını nəzərə alaraq «bəli! Mən dostlarımı gətirib uduşlar uda bilərəm» adlı milli kampaniyaya start verib.

Bankın baş ofisindən «APA-Economics»ə verilən məlumata görə, «Parabank»la birgə bu kampaniyada tərəfdaşları qismində «DəmirBank», «Expressbank», «Bank SilkWay», «GünayBank» və «ASB Bank» da iştirak edir.

Bu kampaniya «Western Union» sistemi ilə təcili pul köçürmələrindən istifadə edən müştərilər üçün nəzərdə tutulub. Bu cür kampaniya 5 il ərzində Moldovada, 2010-cu ildə Gürcüstanda və ilk dəfədir ki, Azərbaycanda keçirilir.

Kampaniya çərçivəsində Azərbaycan ərazisində insanların sıx toplandığı yerdə müxtəlif növ promo-aksiyaların keçirilməsi və televiziyada, avtobus dayanacaqlarında və metroda reklamların yayımlanması nəzərdə tutulub. Bu kampaniyanın ümumi dəyəri 110 min avro təşkil edir.

Kampaniya müddətində «Western Union» xidmətlərindən birinci dəfə pul göndərən və yaxud alan müştəri 2 ədəd kupon əldə edəcək.

Bir nömrəli kupon xoşbəxt kupon oyununda iştirak edəcək. iki nömrəli kuponun üzərinə 2 möhür vurulduqdan sonra, müştəri doldurulmuş kuponu bank operatoruna təhvil verib ilk hədiyyəni ala bilər və ya möhürlərin sayını 5-ə çatdıraraq daha dəyərli hədiyyələr qazana bilər. Həmçinin müştəri mümkün qədər çox müştəri cəlb etməklə daha 1 möhür toplaya bilər.

Kampaniyada iştirak edən müştərilər dəyərli hədiyyələr qazanmaqla yanaşı lotereyada iştirak edərək 10-1000 manat məbləğində pul mükafatı qazanmaq şansı da əldə edəcəklər.

Qeyd edək ki, kampaniya iyulun 15-dək davam edəcək.