Maliyyə

Ana səhifə

Maliyyə

BMT: Azərbaycan qeyri-neft sektorunda vergi kəsirini azaltmaq üçün tədbirlər görməlidir

06 may 2011 11:00 (UTC +04:00)

«APA-Economics»in məlumatına görə, bu barədə BMT-nin «Asiya və Sakit okean regionu üzrə iqtisadi və sosial icmal - 2011» hesabatında bildirilib.

Hesabatda qeyd olunub ki, Azərbaycanda neft-qaz sektoru ÜDM-in 55%-ni və ixracatdan əldə olunan gəlirin 80%-dən çoxunu təşkil edir və ÜDM-in inkişafı əvvəlki illərdəki 9% ilə müqayisədə 2010-cu ildə 5%-ə enib.

«Əsasən infrastruktura qoyulan dövlət investisiyaları vasitəsilə inkişaf edən qeyri-neft sektoru və həmçinin ticarət və xidmətlər sahəsi iqtisadiyyatın inkişafında mühüm rol oynayır. Sənaye sektoru 2,6% artıb və pərakəndə satış 2010-cu ildə 8,8% yüksəlib. Kənd təsərrüfatı sahəsi pis hava şəraiti ilə əlaqədar olaraq dənli bitkilərin istehsalının kəskin şəkildə azalmasına baxmayaraq, bolluq nümayiş etdirir», - deyə hesabatda qeyd olunub.

Bundan başqa, hesabatda Azərbaycanda ərzaq qiymətlərindən asılı olaraq inflyasiyanın daimi olaraq artdığı vurğulanır: «Yüksək ərzaq və əmtəə qiymətləri və artan dövlət xərcləri inflyasiyanın sürətlənərək 2009-cu ildə 1,5% ilə müqayisədə 2010-cu ildə 5,7%-dək yüksəlməsinə səbəb olub. ABŞ dolları ilə müəyyən edilmiş sabit valyuta məzənnəsi və kreditləşmənin artmasının sürətinin mülayimləşməsi inflyasiyanın daha da artmasına mane olur».

Sənədə əsasən, dövlət xərcləri yüksək olaraq qalır, lakin maliyyə vəziyyəti daha az mülayimdir: «Azərbaycan qlobal tələbatda bərpa və yüksək neft qiymətləri sayəsində büdcə artımı yaşayıb. Hökumət öz büdcə hədəflərinə düzəlişlər edib və infrastruktur və sosial proqramların maliyyələşdirilməsi məqsədilə Dövlət Neft Fondundan büdcəyə köçürmələri artırıb. Mərkəzi büdcədə müsbət saldo qeydə alınıb, lakin qeyri-neft sektorunda vergi kəsirini azaltmaq istiqamətində tədbirlər görülməlidir. Azərbaycan Mərkəzi Bankı likvidliyi artırmaq və iqtisadi fəaliyyəti dəstəkləmək məqsədilə 2009-cu ildə kommersiya banklarının ehtiyat tələblərini azaldıb. İnflyasiya təzyiqləri artdıqca, bəzi tariflər 2010-cu ilin sonunda və 2011-ci ilin mart ayında artırılıb. Eyni zamanda, maliyyə mərkəzləri bank sisteminin sabitliyini və maliyyə sistemində likvidliyi təmin etməyə, qısa və orta müddət ərzində iqtisadi inkişafı dəstəkləməyə hazırdır».