Maliyyə

Ana səhifə

Maliyyə

«Moody’s» agentliyi «Unibank»ın reytinqini təsdiq edib

06 may 2011 12:47 (UTC +04:00)

Bakı. Elnur Hüseynquluyev – APA-Economics. «Moody’s Investors Service» beynəlxalq reytinq agentliyi Azərbaycanın «Unibank» ASC-nin xarici və milli valyutada öhdəlikləri üzrə uzunmüddətli reytinqini «B2» səviyyəsində təsdiqləyib. Eyni zamanda agentlik bankın maliyyə sabitliyi üzrə reytinqini «E+» səviyyəsində elan edib.

Bankın baş ofisindən «APA-Economics»ə verilən məlumata görə, «Moody’s»in analitiklərinin fikrincə, bankın hazırkı reytinqi «Unibank»ın kifayət dərəcədə likvidliyini və kapitallaşmasını əks etdirir, habelə onun gəlirliyinin hazırkı səviyyəsinə müvafiqdir. Belə ki, bankın I dərəcəli kapitalı və məcmu kapitalının adekvatlıq əmsalları 2010-cu ilin sonu üçün müvafiq olaraq 12,3% və 16,9% təşkil edib. Ehtiyatların yüksək səviyyəsi və cəlb olunan vəsaitlərin bahalaşması şəraitində, agentliyin sonrakı reytinq qiymətləri uzunmüddətli gəlirlilik göstəricisinə əsasən qurulacaq.
Agentliyin analitiklərinin fikrincə, «Unibank»ın gəlirliyi kredit portfeli üzrə ehtiyatların yaradılması və kreditləşdirmənin artım sürətindən asılıdır.
Agentliyin reytinq hesabatında bildirilir ki, gəlirliyin sabit artımını və aktivlərin keyfiyyətinin yaxşılaşacağı təqdirdə, yaxın gələcəkdə «Unibank»ın reytinqi üzrə proqnoz «sabit»ə dəyişdirilə bilər.

Xatırladaq ki, «Moody’s Investors Service» tərəfindən «Unibank»ın reytinqinin son icmalı 2008-ci ilin noyabr ayında hazırlanıb.