Maliyyə

Ana səhifə

Maliyyə

«DəmirBank»ın yeni tərtibatda təmir olunmuş «Mərkəz» filialının açılışı olub

10 may 2011 10:33 (UTC +04:00)

Bakı. Elnur Hüseynquluyev – APA-Economics. Bu gün Bakıda Azərbaycanın «DəmirBank» ASC-nin yeni tərtibatda təmir olunmuş «Mərkəz» filialının açılışı olub.

«APA-Economics»in məlumatına görə, tədbirdə bankın İdarə Heyətinin sədri Roman Əmircanov qeyd edib ki, bankın bütün filialları eyni dizayna uyğun olaraq yenidən təmir ediləcək. «Artıq bankın bir neçə filialı eyni dizayna uyğun təmir edilib və yaxın günlərdə həmin filialların da açılışı nəzərdə tutulur. Bankda Korporativ interyer tərtibat standartlarının hazırlanması, filialların yeni üslubda tərtibatı mühüm əhəmiyyət kəsb edir. Bütün bu işlər bankda müştəri xidməti keyfiyyətinin yaxşılaşmasına xidmət edir», - deyə bankın sədri bildirib.

Mərasimdə təbrik nitqi ilə bankın «Mərkəz» filialının müştəriləri və digər qonaqlar çıxış ediblər.

Xatırladaq ki, «DəmirBank» (əvvəlki «Azərdəmiryolbank») 1989-cu ildə fəaliyyətə başlayıb. Bankın səhmdarları sırasına Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. Hazırda bankın 30 filialı, 50 bankomatı və 245 POS-terminalı mövcuddur.