Maliyyə

Ana səhifə

Maliyyə

Azərbaycan Lizinq Şirkətləri Assosiasiyasının sədri beynəlxalq lizinq forumunda iştirak edib

11 may 2011 13:38 (UTC +04:00)

Bakı. Elnur Hüseynquluyev – APA-Economics. Azərbaycan Lizinq Şirkətləri Assosiasiyasının (ALŞA) sədri Elçin Əhmədov Daşkənddə keçirilən III Beynəlxalq Lizinq Forumunda iştirak edib.

ALŞA-dan «APA-Economics»ə verilən məlumata görə, Özbəkistan Lizinqverənlər Assosiasiyası və SAIPRO informasiya-reytinq agentliyi tərəfindən təşkil olunmuş forumda yerli və xarici dövlətlərin lizinq, sığorta, audit şirkətləri, həmçinin dövlət və ictimai qurumların nümayəndələri iştirak ediblər. Tədbirdə həmçinin ALŞA-nın üzvü olan «Qafqaz Leasing» şirkətinin nümayəndələri də iştirak edib.

Forumda E.Əhmədov «Azərbaycanın lizinq sektoru: inkişaf və perspektivlər» mövzusunda təqdimatla çıxış edib. Məruzə çərçivəsində müxtəlif maliyyə strukturlarının nümayəndələrinə ölkədə lizinqin mövcud durumu, bazarın potensialı və gələcək gözləntiləri barədə ətraflı məlumat verilib.

E.Əhmədov Azərbaycan lizinq bazarının aparıcı lizinq şirkəti olan «Joint Leasing»in timsalında lizinq bazarının inkişaf dinamikası, lizinq şirkətlərinin ölkə iqtisadiyyatında rolu haqqında da danışıb. Bununla yanaşı, forum zamanı Azərbaycan lizinq şirkətlərinin nümayəndələri Türkiyə, Özbəkistan bank və lizinq ictimaiyyəti və beynəlxalq maliyyə strukturlarının təmsilçiləri ilə səmərəli görüşlər keçiriblər.