Maliyyə

Ana səhifə

Maliyyə

“Bank of Baku” Müştəri Xidmətləri Departamentinin 9 yaşını qeyd edib

12 may 2011 13:03 (UTC +04:00)

Bakı. Elnur Hüseynquluyev - APA-Economics. Azərbaycanın «Bank of Baku» ASC 2011-ci ildə bankın baş ofisinin nəzdində fəaliyyət göstərən Müştəri Xidmətləri Departamentinin 9 yaşını qeyd edib.

Bankın baş ofisindən «APA-Economics»ə verilən məlumata görə, departament 2002-ci ildə mayın 1-də yaradılıb və bu müddət ərzində xidmət səviyyəsinin yüksək keyfiyyəti nəticəsində böyük müştəri kütləsinin etimadını qazanıb.

Bu dövr ərzində müştərilərin xidmətinə daim yenilənən və təkmilləşən məhsul və tariflər təqdim edilib və bir çox uğurlu layihələr həyata keçirilib. Həmçinin bankın bir sıra yeni məhsulları ilk dəfə məhz baş ofisin Müştəri Xidmətləri Departamenti tərəfindən bazara çıxarılıb.

Xatırladaq ki, baş ofisin Müştəri Xidmətləri Departamenti Bakı şəhəri, Atatürk prospekti, 42 ünvanında fəaliyyət göstərir.

Qeyd edək ki, «Bank of Baku» ASC 1994-cü ilin fevral ayında «Tuqay Bank» adı ilə fəaliyyətə başlayıb. Bankın təsisçiləri rolunda Türkiyənin «NAB Dış Ticarət» şirkəti və bir neçə fiziki şəxs çıxış edir. Cari ilin aprel ayının 1-nə bankın ölkə üzrə 16 filialı, 25 bankomatı, 181 POS-terminalı və 500 işçisi mövcuddur.