Maliyyə

Ana səhifə

Maliyyə

«Atəşgah Həyat» şirkəti yeni sığorta növü üzrə 2 mln. manat toplayıb

19 may 2011 14:45 (UTC +04:00)

Bakı. Elnur Hüseynquluyev - APA-Economics. Azərbaycanın «Atəşgah Həyat» sığorta şirkətinin 2011-ci ilin yanvar-aprel aylarında topladığı sığorta haqlarının həcmi 3,033 mln. manat təşkil edib ki, bu da ötən ilin analoji dövrünün göstəricisi ilə müqayisədə 8,4 dəfə çoxdur.

Şirkətin baş ofisindən «APA-Economics»ə verilən məlumata görə, hesabat dövründə «Həyatın yaşam sığortası» növü üzrə 785,908 min manat, «Həyatın ölüm halından sığortası» üzrə 146,605 min manat və «İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta» növü üzrə isə 2,1 mln. manat həcmində sığorta haqqı toplanılıb. Bu növlərin məcmu daxilolmalarda payı müvafiq olaraq 26,%, 4,8% və 69% təşkil edib.

Şirkətdən bildirib ki, cari ilin yanvar-aprel ayları ərzində sığorta hadisələri üzrə ödənilən vəsaitlərin həcmi 9,138 min manat olub. Vəsaitlərin hamısı «Həyatın ölüm halından sığortası» növü üzrə ödənilib.

Qeyd edək ki, «Atəşgah Həyat» sığorta şirkəti 2009-cu ildə yaradılıb. Şirkət həyat sığortasının inkişafı üzrə xüsusi sığorta xidmətləri üzrə ixtisaslaşıb. «Atəşgah Həyat» Azərbaycanda həyat sığortası üzrə ixtisaslaşan ilk şirkət olub.