Maliyyə

Ana səhifə

Maliyyə

«Rabitəbank»ın pulköçürmələri üzrə növbəti lotereya tirajı dekabrın sonunda keçiriləcək

19 oktyabr 2011 13:26 (UTC +04:00)

Bakı. Elnur Hüseynquluyev - APA-Economics. Azərbaycanın «Rabitəbank» ASC-nin beynəlxalq sürətli pul köçürmə sistemləri vasitəsilə pul köçürən və alan müştərilər arasında uduşlu lotereya kampaniyasının növbəti tirajı bu ilin dekabr ayının 30-da keçiriləcək.

Bankın baş ofisindən «APA-Economics»ə verilən məlumata görə, növbəti tirajda 2011-ci ilin IV rübündə «Rabitəbank»da təklif olunan «Western Union», «Bıstraya Poçta», «Migom», «Blizko», «Contact», «Caspian Money Transfer», «Zolotaya Korona» sistemlərin birindən pul köçürən və ya alan müştərilər iştirak edib dəyərli hədiyyələr qazana bilərlər.

Qeyd edək ki, lotereyanın sonuncu tirajı bu ilin sentyabr ayının 30-da keçirilib. Tiraj 2011-ci ilin III rübündə bankın beynəlxalq sürətli pul köçürmələrindən istifadə edən bütün müştəriləri arasında keçirilib. Tirajda 24 ədəd qiymətli hədiyyə oynanılıb, onlar arasında mobil telefonlar, laptop tipli kompyuter, LCD televizoru və digər hədiyyələr müştərilərə təqdim olunub. Qalib gələn müştərilər Bakı şəhəri, Kürdəmir, Lənkəran, Xaçmaz, Gəncə, Ağcabədi, Şəki, Qusar, Şamaxı, Şirvan, Şəmkir, Sumqayıt, Naxçıvan, Quba kimi regionları təmsil ediblər.

Xatırladaq ki, «Rabitəbank» ASC 1993-cü ildən fəaliyyət göstərir.