Maliyyə

Ana səhifə

Maliyyə

Bakı Fond Birjasının dövriyyəsi yanvar-oktyabr aylarında 4 dəfə artıb

03 noyabr 2011 13:19 (UTC +04:00)

Bakı. Nicat Mustafayev – APA-Economics. Bu ilin yanvar-oktyabr ayları ərzində Bakı Fond Birjasında (BFB) bütün alətlər üzrə aparılmış əməliyyatların ümumi həcmi 6,077 mlrd. manat təşkil edib. Bu isə 2010-cu ilin analoji dövrünə nisbətən 4,2 dəfə çoxdur.

BFB-dan «APA-Economics»ə verilən məlumata görə, ümumilikdə, hesabat dövründə korporativ qiymətli kağızlar (KQK) bazarı 72,3% artıb. Korporativ istiqrazların ilkin bazarında 77 əqd üzrə 133,607 mln. manatlıq yerləşdirmə qeydə alınıb, istiqrazların təkrar bazarında isə 87 əqd üzrə 355,155 mln. manatlıq əqdlər bağlanılıb ki, ötən ilin yanvar-oktyabr ayları ilə müqayisədə istiqrazların ilkin bazarı 82,8%, təkrar bazarı isə 2,6 dəfə artıb. Ümumiyyətlə, korporativ istiqrazlar bazarı ilin ilk 10 ayı ərzində 2,3 dəfə artıb.

Səhm bazarına gəldikdə isə, hesabat dövründə bu növ kağızlar üzrə qeydə alınan əqdlərin həcmi 91,738 mln. manat təşkil edib və 2010-cu ilin yanvar-oktyabr aylarına nisbətən 27% azalıb. Səhmlərin ilkin bazarı 30,4% azalıb, təkrar bazarı isə 48,6% artıb.

Korporativ qiymətli kağızlar

Bazarın seqmentləri	Yanvar-oktyabr, 2011		Yanvar-oktyabr, 2010		Nisbət, %
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət, %
Korporativ istiqrazlar (yerləşdirmə)	133 607 075,46	77	73 074 590,01	88	82,8%
Korporativ istiqrazlar (təkrar bazar)	355 154 749,07	87	138 262 949,12	90	2,6 dəfə
KI bazarı cəmi	488 761 824,53	164	211 337 539,13	178	2,3 dəfə
Səhmlər (yerləşdirmə)	83 703 599,10	119	120 266 868,96	1 796	-30,4%
Səhmlər (təkrar bazar)	8 034 438,96	2 970	5 407 398,35	1 676	48,6%
Səhm bazarı cəmi	91 738 038,06	3 089	125 674 267,31	3 472	-27%
KQK bazarı cəmi	580 499 862,59	3 253	337 011 806,44	3 650	72,3%

Bundan başqa, cari ilin yanvar-oktyabr aylarında birjada dövlət istiqrazları (Dİ) bazarında müəyyən azalma qeydə alınıb. Belə ki, hesabat dövründə Dİ bazarının həcmi 15,8% azalıb, o cümlədən istiqrazların təkrar bazarının həcmi 2,2 dəfə azalıb, ilkin bazarın həcmi isə 0,1% artıb.

Ümumiyyətlə, yanvar-oktyabr aylarında dövlət qiymətli kağızlar (DQK) bazarının həcmi ötən ilin analoji dövrü ilə müqayisədə 4,9 dəfə artıb.

Dövlət qiymətli kağızları

Bazarın seqmentləri	Yanvar-oktyabr, 2011		Yanvar-oktyabr, 2010		Nisbət, %
Bazarın seqmentləri	Əqdlərin həcmi, AZN	Əqdlərin sayı	Əqdlərin həcmi, AZN	Əqdlərin sayı	Nisbət, %
Dİ (AMN) – (yerləşdirmə)	210 444 668,77	115	210 292 967,70	92	0,1%
Dİ (AMN) (təkrar bazar)	39 563 251,84	40	86 831 231,89	46	-2,2 dəfə
Dİ bazarı cəmi	250 007 920,61	155	297 124 199,59	138	-15,8%
Notlar (AMB) (yerləşdirmə)	560 442 611,95	232	170 440 933,81	136	3,3 dəfə
Notlar (AMB) (təkrar bazar)	9 555 687,77	5	5 564 936,87	2	71,7%
Not bazarı cəmi	569 998 299,72	237	176 005 870,68	138	3,2 dəfə
Repo əməliyyatları	4 676 019 813,36	1 086	649 862 165,63	644	7,2 dəfə
DQK bazarı cəmi	5 496 026 033,69	1 478	1 122 992 235,90	920	4,9 dəfə

Dİ – dövlət istiqrazları;
A MN – Azərbaycan Maliyyə Nazirliyi;
AMB – Azərbaycan Mərkəzi Bankı;
DQK – dövlət qiymətli kağızları;
KQK – korporativ qiymətli kağızlar.