Bank Of Baku

«Zamin Bank»ın aktivləri son bir ildə 46% artıb

«Zamin Bank»ın aktivləri son bir ildə 46% artıb
# 05 noyabr 2011 11:11 (UTC +04:00)
Bakı. Elnur Hüseynquluyev - APA-Economics. Azərbaycanın «Zamin Bank» ASC-nin aktivlərinin həcmi 2011-ci ilin oktyabr ayının 1-nə 316,852 mln. manat təşkil edib ki, bu da ötən ilin müvafiq dövrü ilə müqayisədə 46% çoxdur.

Bankın baş ofisindən «APA-Economics»ə verilən məlumata görə, hesabat dövründə bankın kredit portfeli 44% artaraq 204,541 mln. manat, depozit portfeli 55% artaraq 71,314 mln. manat olub.

Bu müddət ərzində bankın məcmu kapitalı 37% artaraq 28,110 mln. manat, o cümlədən nizamnamə kapitalı 32% artaraq 20,722 mln. manat təşkil edib.

Təhlil olunan dövr ərzində bankın cəmi aktiv plastik kartlarının sayı 15,4% artaraq 28 455-ə, o cümlədən debet kartlarının sayı 16% artaraq 27 708-ə, kredit kartlarının sayı isə 0,7% artaraq 747-yə çatıb.

Xatırladaq ki, «Zamin Bank» ASC 1992-ci ilin noyabrında yaradılıb. Bankın ölkə üzrə 38 filialı, həmçinin, 6 şöbəsi, Rusiyada «Moskva» nümayəndəliyi, 38 bankomatı, 1 891 POS-terminalı mövcuddur.
1 2 3 4 5 İDMAN XƏBƏR
#
#

ƏMƏLİYYAT İCRA OLUNUR