Maliyyə

Ana səhifə

Maliyyə

Naxçıvanda ilk rüsumsuz ticarət mağazası açılıb

21 aprel 2012 14:23 (UTC +04:00)

Bakı. Rəşad Süleymanov – APA. Azərbaycanın Culfa gömrük sərhəd buraxılış məntəqəsinin gömrük nəzarəti zonasında Naxçıvan Muxtar Respublikasında ilk rüsumsuz ticarət mağazası açılıb. Bu barədə APA Dövlət Gömrük Komitəsinin (DGK) saytına istinadən məlumat yayıb.

Mağaza xüsusi lisenziya əsasında «Cahan Holding» tərəfindən təsis edilib. Bu fəaliyyət növünün qanunvericiliyin tələbləri çərçivəsində həyata keçirilməsini təmin etməkdən ötrü Culfa gömrük sərhəd buraxılış məntəqəsinin gömrük nəzarəti zonasında xüsusi bina inşa olunub.

Açılış mərasimində çıxış edən Naxçıvan Muxtar Respublikası Dövlət Gömrük Komitəsinin sədri Asəf Məmmədov qeyd edib ki, rüsumsuz ticarət mağazasının açılması burada eyniadlı gömrük prosedurasının tətbiqinə şərait yaradır. Bu isə öz növbəsində sosial-iqtisadi, ticarət və mədəni sahədə bir yenilikdir.

Qeyd edək ki, gömrük qanunvericiliyinə əsasən, rüsumsuz ticarət mağazasında yerləşdirilən mallardan gömrük rüsumları və vergilər alınmır, belə mallara qarşı heç bir iqtisadi siyasət tədbiri tətbiq olunmur. Həmin malların satışı isə gömrük nəzarəti altında həyata keçirilir. Bu mağazanın xidmətindən yalnız gömrük sərhədini keçən fiziki şəxslər istifadə edə bilir.