Maliyyə

Ana səhifə

Maliyyə

«Parabank» «Xeyriyyə» adlı yeni plastik kartını təqdim edib

01 iyun 2012 13:10 (UTC +04:00)

Bakı. Elnur Hüseynquluyev - APA-Economics. Azərbaycanın «Parabank» ASC «Xeyriyyə» adlı yeni plastik kartını təqdim edib.

Bankın baş ofisindən «APA-Economics»ə verilən məlumata görə, bu kart sərbəst vəsaitlərini yerləşdirmək istəyən və eyni zamanda xeyriyyəçilikdə iştirak etmək üçün nəzərdə tutulub. Kart Xeyriyyə məqsədilə verilir.

«Xeyriyyə» kartı ilə keçirilən əməliyyatlardan gələn gəlirin 50%-i xeyriyyə fonduna gedir. Kart «Visa Classic» kartı əsasında 3 il müddətinə, ilkin mədaxil 100 manat, ABŞ dolları və avroda təqdim olunur. Kart pulsuz təklif olunur. Kartda vəsaiti «Parabank»ın filiallarında nağd yerləşdirmək və «Card-to-Card» əməliyyatı ilə digər kartdan nağdsız köçürmək olar.

Qeyd edək ki, «Xeyriyyə» plastik kartını hətta on-line sifariş etməklə evə pulsuz da çatdırılır. Kartlar Bakı şəhərində 3 iş günü, regionlara isə 5 iş günü ərzində çatdırılır.

Xatırladaq ki, təsisçisi 23 fiziki şəxs olan «Parabank» ASC 1991-ci ildən fəaliyyət göstərir.