Maliyyə

Ana səhifə

Maliyyə

Azərbaycanda pərakəndə satış indeksi kəskin artıb

19 iyun 2012 08:33 (UTC +04:00)

Bakı. Vahab Rzayev - APA-Economics. Azərbaycanda pərakəndə satış indeksi (Retail sales index - RSI) 2012-ci ilin may ayı üzrə 120,1% təşkil edib.

Dövlət Statistika Komitəsinin məlumatlarına əsasən “APA-Economics” tərəfindən hesablanan bu göstərici aprel ayının indeksindən 31,4 faiz bəndi çoxdur.

RSI ay ərzində satılmış malların (iaşə müəssisələri daxil olmaqla) ümumi dəyərinin əvvəlki ayın eyni həcminə nisbəti kimi hesablanır. Cari ilin may ayında ümumi pərakəndə satış dövriyyəsi 1 462,3 mln. manat, apreldə isə 1 217,4 mln. manat təşkil edib.

Mayda aprellə müqayisədə pərakəndə ticarətin artması ilk növbədə ilk növbədə texniki amillə, yəni aprel ayında martla müqayisədə ticarət dövriyyəsinin azalması ilə bağlı olub. Belə ki, apreldə aylıq müqayisədə 11,3%-lik azalma, mayda isə pərakəndə ticarətdə müəyyən tarazlıq baş verib ki, bu da aylıq artımla nəticələnib. Bundan əlavə, mayda mövsümi amillərlə bağlı olaraq kənd təsərrüfatı məhsullarının dövriyyəsində də artım müşahidə olunub ki, bu da ümumi ticarətin həcmini artırıb.

Qeyd edək ki, ümumiyyətlə, yanvar-may ayları ərzində pərakəndə ticarətin həcmi illik müqayisədə 9,4% artıb. Yanvar-aprel ayları üzrə bu artım 9,3% təşkil edib. Beləliklə, mayda müşahidə olunan artım ümumi dinamikaya da təsir göstərib.