Maliyyə

Ana səhifə

Maliyyə

«Bank of Baku»nun 20 000-ci «Bolkart» sahibi müəyyənləşib - FOTO

«Bank of Baku»nun 20 000-ci «Bolkart» sahibi müəyyənləşib - <font color=red>FOTO</font>

25 iyun 2012 13:07 (UTC +04:00)

Bakı. Elnur Hüseynquluyev – APA-Economics. «Bank of Baku»nun kredit kartlarından olan «Bolkart»ın 20 000-ci sahibi müəyyənləşib.
Bankın baş ofisindən «APA-Economics»ə verilən məlumata görə, sayca 20 000-ci «Bolkart» kredit kartı Bakı şəhər sakini Nərgiz Abduləzizovaya təqdim edilib. Əlamətdar say münasibətilə «Bank of Baku» N.Abduləzizovaya həmçinin pul mükafatı qismində 1000 manat hədiyyə edib. N.Abduləzizova pul mükafatının və kredit kartının ona təqdim edilməsi tədbirində «Bank of Baku»ya xüsusi təşəkkür edib.
Üç ilə yaxındır ki, bankın müştərisi olan mükafatçı belə bir hədiyyənin onun üçün çox gözlənilməz olduğunu etiraf edib: «Həm «Bolkart» əldə etmək, həm də əlavə olaraq 1000 manatlıq mükafat almaq həqiqətən də «Bank of Baku»ya layiq bir hədiyyədir».
Kart sahibi «Bolkart»ı gündəlik məhsul və xidmətlərdən istifadə etmək üçün əldə etdiyini deyir. Onun sözlərinə görə, «Bolkart»la alınan malın dəyərini bölüb 12 aya kimi ödəmək imkanını Azərbaycanda yalnız «Bank of Baku» verir və bu, ölkədə ilk bu cür təcrübədir.
Ötən ilin sonu kütləvi dövriyyəyə buraxılan «Bolkart» cəmi bir neçə ay ərzində sıravi vətəndaşlar arasında böyük populyarlıq qazanaraq 20 000 rəqəminə çatıb. «Bolkart» tamamilə pulsuz, limiti bərpaolunan bir kredit kartıdır. Bu gün «Bolkart»la ölkənin 300-dən çox dükan və ticarət mərkəzində alış-veriş etmək mümkündür. “Bolkart”dan “Bank of Baku” ilə tərəfdaş olan tanınmış geyim, kompüter, mobil telefon, məişət texnikası və mebel mağazalarında, habelə restoran, supermarket və digər ticarət obyektlərində istifadə etmək olar. Kartla alınan mal və ya xidmətlərin dəyərini bölüb, aylar ərzində ödəmək mümkündür. Lakin «Bolkart»la yalnız alış-veriş etmək deyil, kartda olan vəsaiti habelə nağdlaşdırmaq da olar.