Maliyyə

Ana səhifə

Maliyyə

Azərbaycan Milli Nömrələyici Agentliklər Assosiasiyasının səhmdarlarının ümumi yığıncağında iştirak edib

26 iyun 2012 08:18 (UTC +04:00)

Azərbaycan Milli Depozit Mərkəzindən (MDM) «APA-Economics»ə verilən məlumata görə, iki gün davam edən yığıncaqda ANNA-nın səhmdarı qismində MDM də təmsil edilib. Ümumilikdə, yığıncaqda təxminən 80 ölkənin nümayəndələri iştirak edib.

«Tədbirdə toxunulan əsas məsələ qiymətli kağızlar və digər maliyyə alətlərinin vahid identifikasiyası ilə yanaşı bütün emitentlərin eyniləşdirilməsi məqsədilə yeni standartların üzvlər arasında təbliği və beynəlxalq hesablaşmalarda tətbiqi yollarının həlli idi. ANNA təşkilatının yenilənmiş strateji baxışı və missiyası da gündəlikdə olan vacib məsələlərdən idi. İclasda ANNA İdarəetmə Şurasının və ANNA Xidmət Bürosunun Məsləhət Şurasının yeni üzvləri müəyyən edilib», - deyə MDM-dən bildirilib.

Toplantıda həmçinin, təşkilatın 2011-ci il ərzində gördüyü işləri barəsində danışılıb, vergi hesabatı dinlənilib və gələcək fəaliyyət istiqamətləri müəyyən edilib.

Qeyd edək ki, 1992-ci ildə təsis edilmiş ANNA təşkilatının əsas məqsədi qiymətli kağızlar və digər maliyyə alətlərinin vahid identifikasiya prinsiplərinin tətbiq edilməsi ilə milli fond bazarlarının inteqrasiyasına dəstək olmaq və beynəlxalq infrastruktur mərkəzinə çevrilməkdir. ANNA-nın üzvü olan təşkilatlar qiymətli kağızlara İSİN və CFİ beynəlxalq identifikasiya kodlarının verilməsi üzrə səlahiyyət verilmiş nömrələyici agentliklər hesab edilir. ANNA-nın 83 tam hüquqlu səhmdarı və 29 əməkdaş təşkilatı 112 ölkəni təmsil edən depozitarlar, birjalar, tənzimləyicilər və həmçinin digər infrastruktur qurumlarıdır.

Xatırladaq ki, MDM 2008-ci ilin iyun ayından ANNA-nın tam hüquqlu üzvüdür.