Maliyyə

Ana səhifə

Maliyyə

«Access Bank»ın «Badamdar» filialı yeni ünvana köçüb

02 iyul 2012 09:08 (UTC +04:00)

Bakı. Elnur Hüseynquluyev – APA-Economics. «Access Bank» QSC-nin «Badamdar» filialının adı dəyişdirilərək yeni ünvana köçürülüb. Bankın baş ofisindən «APA-Economics»ə verilən məlumata görə, bu gündən etibarən bankın «Badamdar» filialı «Lökbatan» adlanaraq Lökbatan qəsəbəsi, N.Nərimanov küçəsi,2C ünvanında fəaliyyət göstərəcək.

Bankdan bildirilib ki, filialın ünvanı «Binə» və «Sədərək» bazarlarında çalışan müştərilərə daha yaxın olmaq məqsədi ilə dəyişdirilib. Sahibkarlardan başqa, «Lökbatan» filialı eyni zamanda yerli əhaliyə də xidmət göstərəcək. Filialda tam çeşidli bank xidmətləri təqdim olunacaq ki, bura bank hesablarının açılması, «Visa» plastik kartlarının rəsmiləşdirilməsi, həm xaricə pul köçürülmələri, eləcə də kiçik, biznes və istehlak kreditlərinin verilməsi daxildir.

Qeyd edək ki, hazırda bankın ölkə üzrə 29 filialı fəaliyyət göstərir.

Xatırladaq ki, «Access Bank» 2002-ci ilin oktyabr ayında Azərbaycan Mikromaliyyələşdirmə Bankı kimi fəaliyyətə başlayıb və 2008-ci ilin sentyabr ayında brendini dəyişib. Bankın səhmdarları rolunda Avropa Yenidənqurma və İnkişaf Bankı, Beynəlxalq Maliyyə Korporasiyası, Qara Dəniz Ticarət və İnkişaf Bankı, KfW (hər biri 20%), «Access Holding» (16,5%) və Almaniyanın «LFS Financial Systems GmbH.» (3,5%) şirkətləri çıxış edir.