Bu ilin yanvar-noyabr ayları ərzində Azərbaycanda qeyri-neft sənayesinə 1 493,1 mln. manat investisiya qoyulub.
"APA-Economics"in Dövlət Statistika Komitəsinə istinadən verdiyi xəbərə görə, qeyri-neft sənayesinə investisiyaların həcmində isə illik müqayisədə 3,1% azalma qeydə alınıb.
Rəsmi statistikaya əsasən, Azərbaycanda qeyri-neft sektoruna sərmayə qoyuluşu ötən ilin eyni dövrü ilə müqayisədə 3,5% artaraq cari il yanvar-noyabr ayları ərzində 7 986,4 mln. manat təşkil edib.
Hesabat dövründə ölkə iqtisadiyyatına cəmi kredit qoyuluşunun 62,5%-ni qeyri-neft sektoru, o cümlədən 11,7%-ni qeyri-neft sənayesi əhatə edib.
Qeyd edək ki, 2018-ci ilin ilk on bir ayı ərzində qeyri-neft sektoruna investisiyaların həcmində əvvəlki ilin eyni dövrü ilə müqayisədə 21,2%, qeyri-neft sənayesinə investisiyaların həcmində isə 22,6% artım qeydə alınmışdı.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
