Bu ilin yanvar ayında ABŞ-da istehlak qiymətləri (CPI indeksi) ötən ilin eyni ayı ilə müqayisədə 7,5% artıb. Bununla da, artım tempi 1982-ci ilin rekord göstəricisini yeniləyib.
"APA-Economics"in "The Wall Street Journal"a istinadən verdiyi məlumata görə, bu barədə ABŞ Əmək Nazirliyinin açıqlamasında deyilir.
Məlumata görə, ötən ay inflyasiya 2021-ci ilin dekabr ayına nisbətə 0,5 faiz bəndi sürətlənib. Bununla yanaşı, göstərici analitiklərin 7,3%-lik orta proqnozunu da üstələyib.
Yanvar ayında CPI indeksi əvvəlki ayla müqayisədə 0,6% artıb. Ekspertlər orta hesabla 0,4% artım gözləyirdilər.
2022-ci ilin ilk ayında ərzaq və enerji xərcləri istisna olmaqla qiymətlər ("Core CPI" indeksi) dekabr ayı ilə müqayisədə 0,6% artıb. İllik ifadədə artıb 6% təşkil edib ki, bu da 1982-ci ilin avqustundan bəri ən yüksək göstəricidir.
Ötən ay enerji resurslarının dəyəri əhəmiyyətli dərəcədə – illik ifadədə 27% (dekabrda 29,3% artımdan sonra), o cümlədən benzin 40% (dekabrda 49,6%) artıb.
Eyni zamanda, ərzaq məhsullarının qiymətlərinin artım sürəti dekabrda 6,3%-dən 7%-ə, yeni minik avtomobillərinin qiymətlərinin 11,8%-dən 12,2%-ə, ikinci əl minik və yük avtomobillərinin qiymətlərinin 37,3%-dən 40,5%-dək, habelə tibbi xidmətlər – 2,5%-dən 2,7%-ə qədər sürətlənib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
