"Airbus" korporasiyasının xalis mənfəəti 2021-ci ildə 4,2 mlrd. avro təşkil edib ki, bu da şirkətin tarixində rekord göstəricidir.
"APA-Economics"in məlumatına görə, bu barədə "Airbus" açıqlamasında deyilir.
Şirkətin maliyyə hesabatına görə, "Airbus"ın dividendləri hər səhmə görə 1,5 avroya çatıb. Ümumi gəlir 52,1 mlrd. avro təşkil edib. Halbuki şirkət 2020-ci ili 1,1 mlrd. avro xalis zərər və 49,9 mlrd. avro gəlirlə başa vurub.
Cari maliyyə göstəriciləri artan kommersiya təyyarələrinin tədarükü, eləcə də helikopter, müdafiə və kosmik bölmələrin yaxşı göstəricilərindən qaynaqlanır.
Korporasiya 2020-ci ildəki 566 kommersiya təyyarəsi ilə müqayisədə 2021-ci ildə 611 avialayner tədarük edib, sifarişlərin əksəriyyəti A320 təyyarələrinə olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
