Dövlətə aid bank olmayan kredit təşkilatı (BOKT)“Aqrarkredit” QSC balansında olan bəzi aktivlərin satışına başlayır.
"APA-Economics" bu barədə BOKT-yə istinadən xəbər verir. Məlumata görə, “Aqrarkredit” əsasən balansında olan qızıl-ziynət əşyaları satışa çıxarıb.
Satış prosesi 5 may 2025-ci il, saat 14:00-da “Aqrarkredit” QSC-nin Bakı şəhəri, Yasamal rayonu, Qədirli küçəsi 125 ünvanında yerləşən baş ofisində keçiriləcək.
Qeyd edilib ki, alıcılar satışa çıxarılan qızıl-ziynət əşyalarının növləri, çeşidləri və hər bir lot üzrə qiymətləri ilə öncədən həmin ünvanda tanış ola bilərlər.
Xatırladaq ki, “Aqrarkredit” 2004-cü ildə yaradılıb. Onun nizamnamə kapitalı 45,339 milyon manatdır. BOKT 100% dövlətə məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
