“Atəşgah” Sığorta Şirkəti ASC 2026-cı ilin yanvar–avqust aylarında müştərilərinə 28 milyon 328 min manat məbləğində sığorta ödənişi həyata keçirib.
Ödənişlərin həcmi ötən ilin eyni dövrü ilə müqayisədə 1 milyon 978 min manat və ya 7,5% artıb. Belə ki, 2025-ci ilin yanvar–avqust aylarında şirkətin sığorta ödənişləri 26 milyon 350 min manat təşkil edib.
Hesabat dövründə “Atəşgah”ın sığorta yığımları da əhəmiyyətli artım nümayiş etdirib. Şirkət ilin ilk 8 ayında 58 milyon 764 min manat sığorta haqqı toplayıb. Bu göstərici 2025-ci ilin eyni dövrü ilə müqayisədə 16 milyon 55 min manat və ya 37,6% çoxdur.
Şirkətin sığorta bazarındakı mövqeyi də möhkəmlənib. “Atəşgah” Sığortanın bazar payı 2025-ci ilin yanvar–avqust aylarında 4,07% olduğu halda, 2026-cı ilin eyni dövründə 5,27%-ə yüksəlib.
Bununla yanaşı, şirkət sığorta yığımlarının həcminə görə sığortaçılar arasında mövqeyini yaxşılaşdırıb. “Atəşgah” Sığorta 2025-ci ilin ilk 8 ayında 5-ci pillədə qərarlaşdığı halda, 2026-cı ilin yanvar–avqust aylarının nəticələrinə əsasən 4-cü yerə yüksəlib.
Beləliklə, 2026-cı ilin ilk 8 ayında “Atəşgah”ın həm sığorta ödənişlərində, həm sığorta yığımlarında, həm də bazar payında artım qeydə alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
