Bu ilin yanvar-iyul aylarında pərakəndə ticarət şəbəkəsində istehlakçılara 22,931 mlrd. manatlıq məhsul satılıb.
"APA-Economics"in Dövlət Statistika Komitəsinə istinadən verdiyi məlumata görə, bu göstərici ötən ilin eyni dövrü ilə müqayisədə 2,6% çoxdur. Hesabat dövründə 12,379 mlrd. manatlıq ərzaq məhsulları, içkilər və tütün məmulatları, 10,552 mlrd. manatlıq qeyri-ərzaq malları satılıb. Bu ötən ilin eyni dövrü ilə müqayisədə 2,4% və 2,8% çoxdur.
Hesabat dövründə alıcıların son istehlak məqsədilə aldıqları mallara xərclədiyi vəsaitin 48,7%-i ərzaq məhsullarının, 5,3%-i içkilər və tütün məmulatlarının, 13,8%-i toxuculuq məhsulları, geyim və ayaqqabıların, 6,1%-i avtomobil benzini və dizel yanacağının, 5,2%-i elektrik malları və mebellərin, 2,2%-i əczaçılıq məhsulları və tibbi ləvazimatların, 0,8%-i kompüterlər, telekommunikasiya avadanlıqları və çap məhsullarının, 17,9%-i isə digər qeyri-ərzaq mallarının alınmasına sərf olunub.
2021-ci ilin yanvar-iyul aylarında istehlak mallarının dəyər ifadəsində 27,6%-i ticarət müəssisələri, 49,5%-i fərdi sahibkarlar tərəfindən, 22,9%-i isə bazar və yarmarkalarda satılıb. 2020-ci ilin eyni dövrü ilə müqayisədə pərakəndə ticarət dövriyyəsi real ifadədə müəssisələr üzrə 22,7%, fərdi sahibkarlar üzrə 0,5% artıb, bazar və yarmarkalarda isə 11% azalıb.
2021-ci ilin yanvar-iyul aylarında pərakəndə ticarət şəbəkəsində bir ölkə sakini orta hesabla ayda 327,2 manatlıq, o cümlədən 176,6 manatlıq ərzaq məhsulları, içkilər və tütün məmulatları, 150,6 manatlıq qeyri-ərzaq malları alınıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
