Bu ilin yanvar-avqust aylarında Azərbaycanda sığorta şirkətləri tərəfindən könüllü tibbi sığorta üzrə 96,1 milyon manat sığorta haqqı toplanılıb.
“APA-Economics” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 5,2% azdır.
Ötən ilin yanvar-avqust aylarında könüllü tibbi sığorta üzrə 101.4 milyon manat sığorta haqqı toplanılmışdı.
Hesabat dövründə sığorta şirkətlərinin tibbi sığorta üzrə edilən ödənişlərin həcmi 63.6 milyon manat olub ki, bu da ötən ilin müvafiq dövrünə nisbətən 8,1% çoxdur. 2025-ci ilin ilk 8 ayında bu sığorta növü üzrə ödənişlərin həcmi 58.8 milyon manat olmuşdu.
Bu dövrdə könüllü tibbi sığorta üzrə zərərlilik də artıb. Belə ki, ötən ilin yanvar-avqust aylarında sığorta şirkətləri bu sığorta üzrə topladıqları hər 100 manatdan 58.1 manatını ödənişə yönəltmişdisə, bu ilin eyni dövründə bu rəqəm 66.2 manata yüksəlib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
