Ötən ilin IV rübündə Azərbaycanda ödəniş kartları ilə ölkədaxili 1 milyon 783 min 31 manat həcmində 3 386 fırıldaqçılıq halı baş verib.
“APA-Economics” Azərbaycan Mərkəzi Bankına istinadən xəbər verir ki, III rüblə müqayisədə ölkə daxilində fırıldaqçılıq hallarının məbləği 50,45%, sayı isə 51,63% çoxdur.
Hesabat dövründə ödəniş kartları ilə ölkəxarici fırıldaqçılıq hallarının dəyəri 20,01 % artaraq 370 min 444 manat təşkil edib, fırıldaqçılıq hallarının sayı isə 29,7 % azalaraq 5 439 olub.
IV rübdə ölkədaxili fırıldaqçılıq hallarının 21,9%-i hesabların ələ keçirilməsi ilə bağlı olub ki, bu da III rüblə müqayisədə 17,5 faiz bəndi azalma deməkdir. Qalan 78,1% isə digər üsulların payına düşüb və bu istiqamətdə 17,5 faiz bəndi artım qeydə alınıb.
Ölkəxarici fırıldaqçılıq hallarının isə 90,3%-i kartın fiziki iştirakı olmadan həyata keçirilib. Bu göstərici III rübə nisbətdə 17,3 faiz bəndi artıb. Digər üsulların payı 9,7% olub və 17,3 faiz bəndi azalıb.
Ötən ilin oktyabr-dekabr aylarında həm ölkədaxili, həm də ölkəxarici fırıldaqçılıq əsasən elektron ticarət və mobil tətbiqlər üzərindən baş verib. Ölkədaxili halların 98,1%-i (0,8 faiz bəndi artım), ölkəxarici halların 96,3%-i (9,7 faiz bəndi artım) məhz elektron ticarət və mobil tətbiqlər vasitəsilə qeydə alınıb. Digər üsulların payında isə müvafiq olaraq 0,8 faiz bəndi (ölkədaxili) və 9,7 faiz bəndi (ölkəxarici) azalma müşahidə edilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
