Bu ilin yanvar–iyul aylarında “Bakı Fond Birjası”nın (BFB) ümumi dövriyyəsi 26,028 milyard manat təşkil edib.
“APA-Economics” bu barədə BFB-yə istinadən xəbər verir ki, bu göstərici ötən ilin eyni dövrü ilə müqayisədə 35,3% azalıb.
Hesabat dövründə BFB-də bağlanmış əqdlərin sayı 40 559 təşkil edib. Dövlət qiymətli kağızları üzrə bağlanmış əqdlərin ümumi həcmi 727,9 milyon manat, Mərkəzi Bankın (ARMB) notları üzrə bağlanmış əqdlərin həcmi 1,154 milyard manat, korporativ qiymətli kağızların həcmi isə 405,6 milyon manat, ipoteka istiqrazlarının həcmi isə 608,3 milyon manat olub.
Birjada ən böyük dövriyyə isə repo əməliyyatlarının payına düşüb. Belə ki, yanvar–iyul aylarında bu alətlər üzrə bağlanmış əqdlərin ümumi həcmi 23,1 milyard manat təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
