Beynəlxalq Valyuta Fondu (BVF) Azərbaycanda iqtisadi artımın qarşıdakı illərdə davam edəcəyini, inflyasiyanın isə nisbətən sabit qalacağını gözləyir.
“APA-Economics” xəbər verir ki, Fondun 2026-cı ilin oktyabr ayında dərc etdiyi regional iqtisadi icmala əsasən, Azərbaycan iqtisadiyyatının 2026-cı ildə 1,7%, 2027-ci ildə 2,3%, 2031-ci ildə isə 2,5% artacağı proqnozlaşdırılır.
Bununla belə, BVF aprel proqnozu ilə müqayisədə 2026-cı il üzrə iqtisadi artım gözləntisini 2,2%-dən 1,7%-ə, 2027-ci il üzrə isə 2,5%-dən 2,3%-ə endirib. 2031-ci il üzrə proqnoz dəyişməz saxlanılıb.
Fondun qiymətləndirməsinə görə, neft sektorunda hasilat məhdudiyyətləri və büdcə konsolidasiyası siyasəti iqtisadi artımın tempinə təsir göstərir.
Bununla yanaşı, BVF Azərbaycanda qiymət sabitliyinə dair müsbət məqamları vurğulayıb. Hesabatda ölkədə inflyasiyanın regionun bir sıra dövlətlərindən fərqli olaraq nisbətən sabit qaldığı bildirilib.
Fond Azərbaycanda daxili tələbin nisbətən zəif olmasının inflyasiya təzyiqlərini məhdudlaşdırdığını qeyd edib. Gürcüstan və Ermənistanda isə müxtəlif amillərin təsiri ilə qiymət artımı təzyiqləri güclənib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
