ABŞ-ın aktivlərinə görə ən iri bankı sayılan "JPMorgan" transmilli investisiya bankı Rusiyanın Ukraynaya hərbi müdaxiləsi səbəbindən təxminən 1 mlrd. ABŞ dolları itirə bilər.
"APA-Economics"in "Reuters"ə istinadən verdiyi məlumata görə, bu barədə bankın CEO-su Ceymi Daymon bildirib. Onun sözlərinə görə, Rusiyanın Ukrayna ilə müharibəsi uzun çəkə bilər, lakin "JPMorgan" hətta 10 mlrd. dollar həcmində itkiyə məruz qalsa da yaxşı vəziyyətini qoruyub saxlaya bilər.
C. Daymon bankın Rusiyanın Ukraynaya hərbi müdaxiləsindən yaranan risklərə və şoklara məruz qalmasından narahat olmadığını bildirsə də, Ukraynadakı müharibənin qlobal iqtisadiyyatı yavaşlatacağını və onilliklər ərzində geosiyasətə təsir edəcəyini əlavə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
