“Moody's Investors Service” Beynəlxalq reytinq agentliyi qlobal iqtisadi artım proqnozunu azaldıb.
Beynəlxalq reytinq agentliyindən "APA-Economics"ə daxil olan məlumata görə, böyük iyirmilik (G-20) ölkələrinin iqtisadiyyatları üçün artım proqnozları may proqnozu ilə müqayisədə azaldılıb. Belə ki, “Moody's" bu ölkələr üzrə real ÜDM-in 2022-ci il üzrə artımı proqnozunu 3,1%-dən 2,5%-ə, 2023-cü il üçün proqnozu isə 2,9%-dən 2,1%-ə endirib.
"Moody's" böyük iyirmiliyin qabaqcıl iqtisadiyyatları üzrə 2022-ci ildə 2,1%, 2023-cü ildə 1,1% artım proqnozlaşdırır. G-20-nin inkişaf etməkdə olan bazar ölkələri üçün 2022-ci ildə artım proqnozu 3,3% və 2023-cü ildə 3,8% müəyyən edilib.
“Moody's"in analitikləri hesab edir ki, proqnozun pisləşməsi hazırda tətbiq edilən daha sərt qlobal maliyyə şərtləri və Rusiyanın Ukraynaya təcavüzü nəticəsində enerji və xammal qiymətlərindəki şoklarla bağlıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
