2021-ci ildə Rusiyada mənzillərin kirayəsi orta hesabla 14% artaraq ayda 19,2 min rubl (258,2 ABŞ dolları) təşkil edib.
"APA-Economics"in TASS-a istinadən verdiyi məlumata görə, bu barədə "Avito Real Estate"in araşdırmasında deyilir.
"Ölkədə orta hesabla kirayə qiymətləri 14% artıb – bir obyektə görə 19 244 rubladək (258,8 dollar – red.). Rusiyanın iri şəhərləri arasında kirayə qiymətləri ən sürətlə Soçidə (1,5 dəfə), Kalininqradda (+33%) və Moskvada (+22%) artıb", - məlumatda deyilir.
Qeyd olunur ki, 2021-ci ildə Rusiyada uzun müddətə kirayə mənzillərə maraq 2020-ci illə müqayisədə 18% artıb. Ən bariz dinamika Sankt-Peterburq (+47%,) Yekaterinburq və Tümendə (hər iki şəhərdə +46%) olub.
Proqnozlara görə, Rusiyada ipoteka faizlərinin və mənzil qiymətlərinin davamlı artımı 2022-ci ildə icarəyə yüksək tələbi dəstəkləyəcək.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
