Artan qaz hasilatı 2024-28-ci illərdə Azərbaycanda real ümumdaxili məhsul (ÜDM) artımını təmin edəcək.
"APA-Economics" xəbər verir ki, bu barədə "The Economist Group"un araşdırma və təhlil bölməsi olan "Economist Intelligence Unit"in (EIU) ölkə ilə bağlı proqnozunda bildirilib.
EIU hesab edir ki, neftin qiyməti 2028-ci ilə qədər 70 ABŞ dolları/bareldən yuxarı qalacaq. Azərbaycanın orta müddətli artımı qeyri-neft və qaz sektorlarında istehsalın artmasından da faydalanacaq. 2024-28-ci illər üzrə iqtisadi artım proqnozu on illik tarixi orta göstəricidən daha yuxarı olacaq.
"The Economist" ümumilikdə 2024-cü il üzrə Azərbaycanda 2,6%, 2025 və 2026-cı illərdə 2,9%, 2027-ci ildə 3,1% və 2028-ci ildə isə 3,2% iqtisadi artım proqnozlaşdırıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
