Bakı – APA-Economics. “Atəşgah” sığorta şirkəti korporativ sosial məsuliyyət layihəsi çərçivəsində 1 iyun - Uşaqların Beynəlxalq Müdafiəsi Günü münasibətilə şirkətin baş ofisində bayram tədbiri keçirilib.
Şirkətdən “APA-Economics”ə verilən məlumata görə, tədbirdə Xətai rayonu ərazisində yerləşən 3 saylı uşaq evinin sakinləri və eləcə də şirkət əməkdaşlarının uşaqları iştirak edib. 100-ə yaxın uşaq üçün əyləncəli proqram tərtib olunub.
Proqrama animatorların iştirakı ilə sabun şousu, müxtəlif oyunlar və rəqs qrupunun çıxışı da daxil edilib. Tədbirin sonunda uşaq evinin sakinlərinə hədiyyələr təqdim edilib.