Bakı. Nicat Mustafayev – APA-Economics. Azərbaycan Qiymətli Kağızlar üzrə Dövlət Komitəsi (QKDK) «Aqrarkredit» bank olmayan kredit təşkilatının qapalı yerləşdirmə üsulu ilə yerləşdirilən sənədsiz adlı səhmlərinin emissiya prospektini dövlət qeydiyyatına alıb.
QKDK-dan «APA-Economics»ə verilən məlumata görə, səhmlərin hər birinin nominal dəyəri 1 manat, sayı 119 175 ədəd, emissiyanın ümumi həcmi isə 119 175 manat təşkil edir.
Birja mütəxəssislərinin fikrincə, «Aqrarkredit» QSC-nin səhmlərinin yerləşdirilməsinə yaxın vaxtlarda başlanacaq. Yerləşdirmə başa çatdıqdan sonra, şirkətin nizamnamə kapitalı 0,6% artaraq 18 654 600 manata çatacaq.
Xatırladaq ki, təsisçisi Azərbaycan Maliyyə Nazirliyi (99,98%), «Azərsığorta» şirkəti və digər dövlət təşkilatları olan «Aqrarkredit» QSC 2001-ci ildən fəaliyyət göstərir. Hazırda şirkətin nizamnamə kapitalı 18 535 425 manat təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
