Bakı. Vahab Rzayev - APA-Economics. Azərbaycanın regionlarında artan müştəri kütləsinə çevik xidmət göstərmək məqsədi ilə «Bank of Baku» ASC-nin Şirvan şəhərində eyni adlı filialı fəaliyyətə başlayıb.
Bankdan «APA-Economics»ə verilən məlumata görə, filialın açılışı münasibətilə «Bank of Baku»nun baş direktoru Fərid Əlizadə bildirib ki, bankın cari ilin əvvəlində qəbul etdiyi İnkişaf Planında regional filial şəbəkəsinin inkişafına xüsusi önəm verilir: «Şirvan şəhərindəki filialımız bütün bank xidmət və məhsullarını təklif edir və özünün texniki təchizatı və rahatlığı baxımından ən yüksək standartlara malikdir. Biz şadıq ki, yeni iş yerlərinin yaradılması və bölgə iqtisadiyyatının inkişafına töhfəmizi verə bilirik».
«Bank of Baku»nun yeni filialı bankın sayca artıq 21-ci filialıdır. «Şirvan» filialı M.Rəsulzadə küçəsi,33 ünvanında yerləşir və həftənin 6 günü saat 09:00-dan 17:00-dək (fasilə: 13:00-14:00) müştərilərə bütün növ bank xidmətləri göstərir.
«Bank of Baku»nun filial şəbəkəsi barədə ətraflı məlumatı www.bankofbaku.com/az/network-of-offices/branches.html keçidindən əldə etmək mümkündür.
«Bank of Baku»nun xidmət və məhsulları ilə yaxından tanış olmaq üçün bankın Məlumat Mərkəzinin 145 nömrəsinə zəng etmək, həmçinin www.facebook.com/bankofbaku sosial şəbəkə səhifəsini ziyarət etmək olar.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
