Bakı. Vahab Rzayev – APA-Economics. Azərbaycanın «Bank Standard» QSC-nin aktivlərinin həcmi 2013-cü il aprelin 1-nə 876,894 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 20,7% çoxdur.
Bankdan «APA-Economics»ə verilən məlumata görə, hesabat dövründə bankın kredit portfeli 42,9% artaraq 626,856 mln. manata çatıb. O cümlədən, istehlak kreditlərinin həcmi 140,893 mln. manat təşkil edib ki, bu da 2012-ci ilin aprelin 1-nə olan göstəriciyə nisbətən 49,4% çoxdur.
Bankın depozit portfeli son bir ildə 23,6% artaraq 577,621 mln. manata çatıb. O cümlədən, əhalinin əmanətlərinin həcmi 20,4% artaraq 484,121 mln. manat təşkil edib. Son bir ildə bankın nizamnamə kapitalı dəyişməyib və 75,000 mln. manat səviyyəsində qalıb.
Təhlil olunan dövr ərzində bankın cəmi müştərilərinin sayı 28,5% artaraq 184 204, o cümlədən fiziki şəxslərin sayı 28,9% artaraq 180 814, hüquqi şəxslərin sayı 12,3% artaraq 3 390 olub. Bankın dövriyyədə olan plastik kartlarının sayı 2013-cü il aprelin 1-nə 45 555-ə bərabər olub ki, bu da illik müqayisədə 29,2% çoxdur. O cümlədən, debet kartların sayı 23,5% artaraq 27 911-ə, kredit kartların sayı 39,7% artaraq 17 644-ə çatıb.
Hazırda bankın ölkə üzrə 14 filialı, 147 bankomatı, 1 833 POS-terminalı fəaliyyət göstərir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
