Bakı. Nicat Mustafayev – APA-Economics. Azərbaycan Qiymətli Kağızlar üzrə Dövlət Komitəsi (QKDK) «Meqa Sığorta» ASC-nin adi sənədsiz adlı səhmlərinin emissiya prospektini dövlət qeydiyyatına alıb.
QKDK-dan «APA-Economics»ə verilən məlumata görə, səhmlərin hər birinin nominal dəyəri 5 min manat, sayı 100 ədəd, emissiyanın ümumi həcmi isə 500 min manat təşkil edir.
Sözügedən qiymətli kağızların yerləşdirilməsi başa çatdıqdan sonra şirkətin nizamnamə kapitalı 5% artaraq 10,5 mln. manata çatacaq.
Qeyd edək ki, təsisçisi iki yerli fiziki şəxs olan «Meqa Sığorta» şirkəti 2011-ci ilin oktyabr ayınadək «BE&G» sığorta adı ilə fəaliyyət göstərib. Şirkət 1998-ci ildən «Naxçıvan» sığorta brendi ilə yaradılıb və 2001-ci ildə şirkətin adı «BE&G»yə dəyişdirilib. Hazırda şirkətin nizamnamə kapitalı 10 mln. manat təşkil edir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
