Bakı. Aqşin Rafiqoğlu - APA-Economics. Azərbaycan Dövlət Gömrük Komitəsinin əməkdaşları 900 qutu aksiz markasız siqaret müsadirə edib.
Dövlət Gömrük Komitəsindən “APA-Economics”ə verilən məlumata görə, Gəncə Gömrük İdarəsinin əməkdaşları tərəfindən keçirilən əməliyyat tədbirləri nəticəsində Azərbaycan vətəndaşı İntiqam Meydarov saxlanılaraq onun əlindəki iki ədəd sellofan torbadan Azərbaycanın aksiz markası ilə markalanmamış cəmi 900 qutu müxtəlif adlı xarici siqaretlər götürülüb.
Faktla bağlı təhqiqat aparılır.