Bakı. Vahab Rzayev – APA-Economics. Bu ilin I rübündə Azərbaycanda tikinti işlərində qiymətlər 2012-ci ilin IV rübünə nisbətən 0,3% düşüb. “APA-Economics”in xəbərinə görə, rüb ərzində yerüstü tikililər bölməsində 0,2%, yol və körpü tikintisində isə 0,6% ucuzlaşma müşahidə edilib.
Bu ilin I rübündə yerüstü tikililərdən yaşayış evlərinin və sosial təyinatlı binaların tikintisi üzrə qiymətlər 0,3% düşüb, istehsal təyinatlı obyektlərin tikintisi üzrə qiymətlər isə 0,9% qalxıb.
Yaşayış evlərindən 5 mərtəbəyə qədər evlərin tikintisi üzrə qiymətlər 0,1%, 6 və çoxmərtəbəli yaşayış evlərinin tikintisi üzrə qiymətlər 0,3% düşüb. Sosial təyinatlı binalardan inzibati binaların inşası üzrə qiymətlərdə 0,2%, ümumtəhsil məktəblərinin tikintisi üzrə isə qiymətlərdə 0,4% ucuzlaşma müşahidə edilib. İstehsal təyinatlı obyektlərdən sənaye obyektlərinin tikintisi üzrə qiymətlər 0,9% artıb.
Rüb ərzində yol tikintisi üzrə qiymətlər 0,7% düşüb, körpü tikintisi üzrə qiymətlər dəyişməz qalıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
