Bakı. Əli Əhmədov – APA-Economics. Bu ilin ilk rübü ərzində Azərbaycanda banklar üzrə kredit portfelinin həcmi ötən ilin eyni dövrünə nisbətən 26,2% artıb. Lakin bəzi bölgələrdə kredit portfelinin artım sürəti fərqli olub, bəzi bölgələrdə isə ümumiyyətlə, kreditlərin azalması müşahidə olunur.
Azərbaycan Mərkəzi Bankından «APA-Economics»ə verilən məlumata görə, son bir ildə kredit portfelinin ən böyük artımı Kəlbəcər-Laçın (6,4 dəfə) və Yuxarı Qarabağ (2,4 dəfə) iqtisadi rayonlarında qeydə alınıb. Lakin bu iqtisadi rayonların kredit portfelinin həcmi kiçik olduğuna görə, nominal artım o qədər də böyük deyil.
Digər bölgələr üzrə kredit portfelinin ən böyük artımı Aran və Dağlıq-Şirvan iqtisadi rayonlarında baş verib – müvafiq olaraq 87,9% və 66,1%. Lənkəran, Naxçıvan, Abşeron bölgələrində də kreditlərin artımı baş verib.
Quba-Xaçmaz, Gəncə-Qazax və Şəki-Zaqatalada isə kreditləşmənin azalması müşahidə olunub. Kreditlərin ən kəskin azalması Quba-Xaçmaz bölgəsində baş verib (təqribən 2 dəfə).
Bakı şəhərində isə kredit portfelinin artım sürəti ölkə üzrə orta göstəricidən bir qədər artıq – 26,5% olub.
Regionlar üzrə kredit qoyuluşlarının illik dinamikası (min manat)
|
Bölgələr |
Yanvar-mart, 2013 |
İllik dinamika |
|
Ölkə üzrə ümumi |
12 953 829,2 |
26,2% |
|
Bakı |
11 369 952,3 |
26,5% |
|
Abşeron |
359 626,3 |
21,7% |
|
Aran |
536 384,4 |
87,9% |
|
Dağlıq- Şirvan |
54 120,9 |
66,1% |
|
Gəncə-Qazax |
210 535,1 |
-22,7% |
|
Quba-Xaçmaz |
55 945,7 |
-47,1% |
|
Lənkəran |
166 635,6 |
38,8% |
|
Şəki-Zaqatala |
70 574,3 |
-8,7% |
|
Yuxarı Qarabağ |
29 434,0 |
+2,4 dəfə |
|
Kəlbəcər-Laçın |
12 642,8 |
+6,4 dəfə |
|
Naxçıvan |
87 977,8 |
27,8% |
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
