Bakı. Vahab Rzayev – APA-Economics. Bu ilin I rübündə Azərbaycanın strateji valyuta ehtiyatları 1,1 mlrd. ABŞ dolları və ya 2,3% artaraq 47,1 mlrd. dollara çatıb ki, bu da təxminən 3 illik mal və xidmətlərin idxalına kifayət edir. «APA-Economics»in xəbər verdiyi kimi, bu barədə Azərbaycan Mərkəzi Bankının I rüb üzrə hazırladığı «Pul siyasəti İcmalı»nda deyilir.
İcmala əsasən, strateji valyuta ehtiyatları xarici dövlət borcundan təqribən 8 dəfə çoxdur.
AMB-nin valyuta ehtiyatları isə ilin əvvəlindən 5,5% artaraq 12,3 mlrd. dollar olub ki, bu da təxminən bir illik mal və xidmət idxalını maliyyələşdirməyə kifayət edir.
Hazırda strateji valyuta ehtiyatlarının ÜDM-ə nisbəti 70%-ə yaxındır. Bu göstəriciyə görə Azərbaycan dünyada ilk 15-likdədir. Ümumilikdə, strateji valyuta ehtiyatlarının yüksək templə artımı ölkə iqtisadiyyatının mümkün xarici böhran təsirlərinə qarşı həssaslığını azaldan və güclü «makroiqtisadi bufer» formalaşdıran amildir. Bunun nəticəsi olaraq ölkənin Xalis Beynəlxalq İnvestisiya Mövqeyi əlverişlidir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
