Bakı – APA. Azərbaycanda neft-qaz hasilatı, tikinti, nəqliyyat və ticarət sahələrində çoxşaxəli layihələrin həyata keçirilməsi ilə məşğul olan Baghlan Group FZCO Beynəlxalq Maliyyə Standartlarına müvafiq olaraq hazırlanmış 2012-ci il üzrə maliyyə hesabatlarının audit edilmiş nəticələrinin açıqlanmasını elan edir.
APA-nın məlumatına görə, Qrup tərəfindən bildirilib ki, öncəki il ilə müqayisədə gəlir 10%, EBITDA isə 1.5 dəfə artıb. Qrup aktivlərinin ümumi dəyərində artım isə öncəki illə müqayisədə 70.2% olub.
Qrupun icmal maliyyə hesabatları aparıcı audit firmalarından biri KPMG tərəfindən audit edilib. KPMG tərəfindən Qrupun icmal maliyyə hesabatları haqqında müsbət rəy də verilib.
Baghlan Group FZCO neft-qaz, tikinti, nəqliyyat və ticarət sektorlarinda fəaliyyət göstərən aparıcı şirkətlərdən biri olaraq Azərbaycanın neft-qaz sektorunda fəaliyyətə başlayan ilk özəl şirkətlərdən biri və beynəlxalq kapital bazarlarına 3 illik istiqraz alətini emissiya edən ilk özəl korporasiyadır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
