Bakı. Əli Əhmədov – APA-Economics. Bu ilin yanvar-aprel aylarında Vergilər Nazirliyi tərəfindən dövlət büdcəsinə vergi daxilolmalarının həcmi 2 513 825,7 min manat təşkil edib.
Nazirlikdən «APA-Economics»ə verilən məlumata görə, bu məbləğin 47,6%-i mənfəət vergisinin, 20,2%-i əlavə dəyər vergisinin, 10,3%-i fiziki şəxslərin gəlir vergisinin, 7%-i aksizlərin, 14,9%-i isə digər vergilərin payına düşüb.
Qeyri-neft sektoru üzrə büdcəyə 1 224 932,2 min manat vəsait daxil olub.
Yanvar-aprel aylarında ölkə üzrə 28 057 vergi ödəyicisi qeydiyyata alınıb. Qeyd edək ki, 2011-ci il iyulun 1-dən cari ilin mayın 1-dək Azərbaycanda 73 728 nəfər fiziki şəxs elektron qaydada qeydiyyatdan keçib, mayın 1-i vəziyyətinə qeydiyyatda olan vergi ödəyicilərinin ümumi sayı 506 715 olub.
Bu ilin yanvar-aprel ayları ərzində ölkə üzrə elektron formada göndərilmiş bəyannamələrin xüsusi çəkisi 91,1% təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
