Bakı. Musa Əhmədov - APA-Economics. Bu ilin yanvar-avqust aylarında Azərbaycandakı 28 sığorta şirkətinin xətti ilə təxminən 283,3 mln. manat sığorta haqqı toplanıb.
“APA-Economics"in xəbərinə görə, bu barədə Azərbaycan Sığortaçıların Assosiasiyasının (ASA) sədri Orxan Bayramov məlumat verib.
Onun sözlərinə görə, bu ötən ilin eyni dövrü ilə müqayisədə 17,5 mln. manat və ya 6,6% çoxdur.
2014-cü ilin 8 ayında sığorta şirkətlərinin həyata keçirdiyi sığorta ödənişlərinin məbləği isə təxminən 103,5 mln. manat təşkil edib. Bu da 2013-cü ilin eyni dövrünə nisbətən 25,7 mln. manat və ya 33% çoxdur.
Hesabat dövründə sığorta bazarında toplanmış hər 100 manat sığorta haqqı müqabilində 36,6 manat ödəniş həyata keçirilib. Bu göstərici ötən ilin yanvar-avqust aylarında 29,3 manat olub.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
