Bakı. Yeganə Laçınzadə - APA-Economics. Azərbaycanda fəaliyyət göstərən kredit təşkilatlarının kredit qoyuluşlarının həcmi 2015-ci il noyabrın 1-ə 18 566,4 mln. manat təşkil edib.
Azərbaycan Mərkəzi Bankından “APA-Economics”ə verilən məlumata görə, bu göstərici 2014-cü ilin müvafiq dövrü ilə müqayisədə 724,9 mln. manat və ya 4,06% çoxdur.
Kredit təşkilatları tərəfindən verilən kreditlərin həcmi oktyabrın 1-ə olan göstərici ilə müqayisədə 547,1 mln. manat və ya 2,86% azalıb.
Kredit qoyuluşlarında vaxtı keçmiş kreditlərin həcmi bu ilin noyabrın 1-ə 1 mlrd. 301,9 mln. manat təşkil edib ki, bu da illik müqayisədə 358,5 mln. manat və ya 38% çoxdur. Problemli kreditlərin həcmi oktyabrın 1-ə olan göstərici ilə müqayisədə 51,9 mln. manat və ya 3,83% azalıb.
Vaxtı keçmiş kreditlərin həcmi ümumi kredit qoyuluşlarında xüsusi çəkisi 7,01% təşkil edir.
Onu da qeyd edək ki, kredit qoyuluşlarında azalma "Azərbaycan Beynəlxalq Bankı" ASC-də aparılan restrukturizasiya tədbirləri ilə əlaqədardır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
